वर्गात केलेली कविता !

वर्गात बसल्या-बसल्या सहज सुचली एक कविता…

मि म्हणाले स्वतःला, लिहूनच टाकूया आता !

Madam ओरडल्या तेवढ्यात, माझे लक्ष नव्हते ना त्यांचाकडे …

मी तरी काय करणार… कळत नव्हते फळ्यावरील शब्द वेडेवाकडे !

कोणास ठाउक का ? त्या दिवशी रमतच नव्हते मन alpha betaत ….

ते वावरत होते दूर कुठल्यातरी वळणा-वळणाच्या घाटात!

सपाट,गुळ्गुळीत,मोकळया रस्त्यावर … मन जात होते दूर दूर..

मस्त,मोकळ्या,गार  हिरवळीचा अन माझा जुळू लागला सूर !

धुंद,मुक्त,छान हवेत जवळपास हरवलेच होते माझे मन…

तेवढ्यात madamनी मला विचारले ,"पेंडसे ,what is linear expansion ?"

खटकन शुद्धीवर आले...प्रश्न घुसवत होते डोक्यात …

पण कसं काय येणार उत्तर ? मन तर अजूनही होता त्या आनंदी मुक्त जगात !